Թուրքիայի հարավ-արևելքում փետրվարին տեղի ունեցած երկրաշարժերի զոհերի թիվը հասել է 50 399-ի, տեղեկացրել է CNN Türk հեռուստաալիքը՝ հղում կատարելով ՆԳՆ-ի ղեկավար Սուլեյման Սոյլուին։

«Զոհերի թիվը 50 399 է։ Նրանց ինքնության պարզումը շարունակվում է, թիվը կարող է թարմացվել»,-հեռուստաալիքը մեջբերել է Սոյլուի խոսքերը։

Ինը ժամ տարբերությամբ 7,7 և 7,6 մագնիտուդով երկրաշարժերը տեղի են ունեցել փետրվարի 6-ին Կահրամանմարաշ նահանգում (Թուրքիայի հարավ-արևելք)։ Ստորգետնյա ցնցումներն զգացվել են երկրի 11 նահանգներում և հարևան պետություններում, այդ թվում Սիրիայում։ Թուրքիայի իշխանությունները երկրաշարժերն անվանել են «դարի աղետ»։

Աղբյուրը՝ news.am