«Հայկական օրակարգ» նախագծի շրջանակներում կանանց մասնակցությամբ հրավիրված քննարկման ժամանակ խոսել եմ երկրում առկա ծանր իրավիճակի, կարևորագույն խնդիրների և դրանց լուծման բանաձևի մասին․

Երկրում պայթունավտանգ իրավիճակ է։

Իշխանությունները բռնություն ու ատելություն են քարոզում և հնձում են իրենց ցանածը։

Իրենք իշխանության եկան սիրո և հանդուրժողականության կոչերով, խոստացան ժպիտներ և երջանկություն, բայց բերեցին մահ, ավերածություններ, պարտությունների անվերջ շարք։

Հայաստանն այսօր կանգնած է լինել-չլինելու խնդրի առաջ։

Մեր թշնամիներին ոգևորել է Հայաստանի իշխանությունների վարքագիծը՝ անձնակա՛ն անվտանգության ապահովում՝ Հայաստանի գնով։

Նիկոլ Փաշինյանն աճուրդի է հանել Հայաստանը։ Իր գործարքի էությունը հետևյալն է՝ հեռացնել Ռուսաստանին մեր տարածաշրջանից, ու դրա դիմաց ստանալ անվտանգության անձնակա՛ն երաշխիքներ։

Վախենում են իշխանության կորստից, և այդ վախն էլ նրանց դարձրել է ագրեսիվ, ամբարտավան և գռեհիկ։

Այս իրավիճակից դուրս գալու պարզ բանաձև եմ տեսնում․ հասարակական-քաղաքացիական՝ ժողովրդական լայն համախմբման միջոցով նոր շարժման ձևավորում, և այդ շարժման միջոցով իշխանափոխության հասնելը։ Մեր հանրության բոլոր առողջ ուժերը պետք է աշխատեն այդ ուղղությամբ։

Մանրամասները՝ տեսանյութում։

Արեգնազ Մանուկյանի ֆեյսբուքյան էջից