Կալիֆոռնիայում տարեց ընկերները հայտնվել են հիվանդանոցում այն բանից հետո, երբ իրենց ընկերոջ թաղման ժամանակ մարիխուանայով չափից շատ թխվածքաբլիթ են կերել։ «The Daily Pilot»–ը գրում է, որ այդ թխվածքաբլիթները մատուցվել են ի հիշատակ հանգուցյալի, ով տառապելիս է եղել խաղցկեղով և նրան բժշկական նպատակներով թույլատրված է եղել օգտագործել մարիխուանա կամ դրանով պատրաստված հրուշակեղեն։ Հուղարկավորության հյուրերը ոստիկանությանն ասել են, որ իրենք տեղյակ չեն եղել թխվածքաբլիթների պարունակության մասին։ Սակայն նշվում է նաև, որ մարիխուանայով թխվածքաբլիթները հանգուցյալի դուստրը նախապես գովազդել է։ Արդյունքում 71–ամյա թոշակառու երկու կանայք և 82–ամյա մի տղամարդ գլխապտույտով, սրտխառնոցով և թուլությամբ տեղափոխվել են հիվանդանոց։

Կալիֆոռնիայում մարիխուանա թույլատրված է օգտագործել միայն բժշկի թույլտվությամբ։

7or.am