NEWS.am-ը Արարատի մարզի Երասխ բնակավայրում տեսանկարհանել է հունիսի 13-ին այդ համայնքում կառուցվող գործարանի ուղղությամբ Ադրբեջանի Զինված ուժերի կողմից գնդակոծության հետևանքները:

Տեսանյութում երևում են գործարանի պատերի վրա կրակոցների հետքերը, նաև ավտոմեքենաների կոտրված ապակիները:

Հիշեցնենք՝ ՀՀ ՊՆ հայտարարել էր, որ հունիսի 13-ին, ադրբեջանական կողմը կրակ է բացել Երասխում օտարերկրյա ներդրումներով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել Հնդկաստանի երկու քաղաքացիներ։