Արցախի ազգային հերոս Վիտալի Բալասանյանի առողջական վիճակը վատթարացել է. նրան տեղափոխել են հիվանդանոց։ Այս մասին հայտնել է նրա փաստաբանը։

«Պարոն Բալասանյանի մոտ սրտի հետ կապված խնդիրներ են առաջացել, այժմ նրան բժիշկները հետազոտում են»,-ասել է նա։

Հիշեցնենք, որ Վիտալի Բալասանյանի ձերբակալման իրավաչափության հետ կապված բողոքը մերժվել էր․ նա կշարունակի մնալ ձերբակալված։

Վիտալի Բալասանյանը ձերբակալվել էր երեկ երեկոյան։ Նրա հետ միասին ձերբակալվել էին նաև որդին և քեռորդին։ Որդին, սակայն, ազատ էր արձակվել։

Փաստաբանն ահազանգել էր, որ Բալասանյանի մարմնի վրա առկա են բազմաթիվ վնասվածքներ։