Ադրբեջանի արտգործնախարար Էլմար Մամեդյարովը հայտարարել է, որ Ադրբեջանը հանդես է գալիս խաղաղ բանակցությունների շարունակության օգտին։

«Հաջորդ շաբաթ տեղի է ունենալու ԵԱՀԿ ՄԽ համանախագահների այցը տարածաշրջան, ինչպես նաև հանդիպում, որի ընթացքում անհրաժեշտ կլինի քննարկել հարցեր, որոնք մնում են բաց։ Եթե Հայաստանի հետ հնարավոր չէ այս հարցերում հասնել համաձայնության, ողբերգական ոչինչ չկա։ Ադրբեջանը հայտարարել և շարունակում է հայտարարել մեծ համաձայնության շուրջ աշխատելու իր պատրաստակամության մասին, որում ընդգրկված կլինեն բաց մնացած բոլոր հարցերը»,–ադրբեջանական լրատվամիջոցների փոխանցմամբ՝ ասել է Մամեդյարովը։