Ինչպես գրում է «BBC»–ն, Թուրքիայի փոխվարչապետ Բաշիր Աթալայը հայտնել է, որ Թուրքիայում երկրաշարժի հետևանքով զոհվածների թիվը հասել է 230–ի։

Շուրջ 1300 մարդ վնասվածքներ է ստացել։ Շատ բնակիչներ համարվում են անհետ կորած։

Տուժածներին դժվար է փլատակներից դուրս բերել, որովհետև ստորգետնյա ցնցումները շարունակվում են։

Հիշեցնենք, որ կիրակի Թուրքիայում 7,2 մագնիտուդ ուժգնությամբ երկրաշարժ է եղել, որին հաջորդել է ևս մեկը՝ կրկին մեծ ուժգնությամբ։

Տասնյակ հազարավոր մարդիկ մնացել են անօթևան։ Ամենաշատը տուժել են Վան քաղաքն ու նրա մերձակա շրջանները։