Քաղաքական

26.10.2011 12:28


ՀՀԿ–ականի մտքով անգամ չի անեցել, որ Պ. Հայրիկյանը կարող էր նման հայտարարություն անել

ՀՀԿ–ականի մտքով անգամ չի անեցել, որ Պ. Հայրիկյանը կարող էր նման հայտարարություն անել

Երեկ ԱԻՄ նախագահ Պարույր Հայրիկյանը հայտարարեց, թե սառեցնում է իր ղեկավարած «Ազգային ինքնորոշում միավորում» կուսակցության գործունեությունը և «զրոյից վերականգնում է» Ազգային միացյալ կուսակցությունը՝ աջակցելով Հայաստանի հանրապետական կուսակցությանը։

Հայրիկյանի այս հայտարարությունը ՀՀԿ–ական Համլետ Հարությունյանի համար զարմանալի և անսպասելի է եղել։

–Քաղաքական գործընթացներ են, քաղաքականության մեջ նախընտրական բլոկներ են կազմվում և այլն։ Մարդն ուղղակի ցանկություն է հայտնել կամ արտահայտել է իր կարծիքը։ Բայց ինձ համար զարմալի և անսպասելի էր նրա այդ որոշումը։ Երբեք իմ մտքով չի անցել, որ Հայրիկյանը կարող է նման հայտարարություն անել։ Ես չեմ տեսել, որ մենք համագործակցենք երբևիցե։ Թե նա ինչ է նախկինում ասել, ոնց է ասել, դա իր խղճին է։ Թե ինքն իր ընկերների մասին ի՞նչ է ասել, ես դա չեմ կարող մեկնաբանել,–«7օր»–ի հետ զրույցում նշել է Հ. Հարությունյանը՝ հավելելով, թե նման հարց ՀՀԿ–ում մինչ օրս չի քննարկվել:

7or.am

Այս խորագրի վերջին նյութերը