Համառ լուրեր են շրջանառվում, որ պաշտոնից ազատվել է ՀՀ ոստիկանապետ Ալիկ Սարգսյանը, իսկ նրան փոխարինելու է ՊՆ փոխնախարար Վլադիմիր Գասպարյանը։ «7օր»–ը ոստիկանությունից փորձել է ճշտել այս լուրերի իսկությունը։ Ոստիկանության հասարակայնության հետ կապի և լրատվության վարչության պետ Աշոտ Ահարոնյանն ընդգծել է՝ չե՞ք կարծում, որ պետք է նախագահականից ճշտեք, ո՞վ է նշանակում ոստիկանապետ կամ ազատում։

Իսկ երբ «7օր»–ը նկատել է, որ ոստիկանության կապի և լրատվության վարչությունում առնվազն պետք է տեղյակ լինեն՝ ոստիկանապետը հրաժարականի դիմում ներկայացրել է, թե ոչ, վարչության պետը պատասխանել է.

–Այս պահի դրությամբ ես նման տեղեկատվություն չունեմ։

7or.am