Հարավային Կորեայում 50 մլրդ դոլարի չափով հիմնադրամ կարող է ստեղծվել, որը կօգտագործվի Կորեական Ժողովրդավարական Հանրապետության (Հյուսիսային Կորեա) հետ վերամիավորվելու դեպքում։ Այս մասին հայտարարել է Կորեայի միավորման գործերի նախարար Յու Վու Իքը։

Ըստ նախարարի խոսքերի՝ գաղափարը պետական գերատեսչությունների մեծ մասի հավանությանն է արժանացել, ու մինչև տարեվերջ օրինագիծը կքննարկվի խորհրդարանում։

Հիմնադրամը ֆինանսական միջոցներ ձեռք կբերի երկրի բյուջետային ավելցուկի հաշվին, որը այս տարի կազմել է 4 մլրդ դոլար։ Նախարարն ընդգծել է, որ Հարավային Կորեան հիմնադրամի կայացման նպատակով ֆինանսական աջակցություն ստանալու համար այլ պետությունների չի դիդմի։

Տեղեկացնենք, որ Հարավային Կորեայի պետական բյուջեն 270 մլրդ դոլար է։