«Ինտեր Մայամիի»՝ հարձակվող Լիոնել Մեսսիի անունով մարզաշապիկների վաճառքը գերազանցել է 2023 թվականին եվրոպական շատ ակումբների մարզաշապիկների վաճառքը:

Աղբյուրի փոխանցմամբ՝ Մեսսիի տեղափոխությունից հետո adidas-ը մարզաշապիկների կես միլիոն պատվեր է ստացել ամերիկյան ակումբից։ Սա նշանակում է, որ դրանք ավելի արագ են սպառվել, քան այնպիսի ակումբների մարզաշապիկներ, ինչպիսիք են «Մանչեսթեր Յունայթեդը», «Ռեալը», «Բավարիան» և «Արսենալը»:

Հաղորդվում է նաև, որ այն բանից հետո, երբ պարզ է դարձել, որ «Ինտեր Մայամիի» մարզաշապիկները այդքան մեծ պահանջարկ ունեն, Դևիդ Բեքհեմի թիմը ստացել է երրորդ մարզաշապիկը թողարկելու հատուկ թույլտվություն։ «Լոս Անջելեսի» և «Լոս Անջելեսի Գելեքսիի» հետ մեկտեղ adidas-ը նախատեսում է թողարկել խաղային հավաքածուների լրացուցիչ հավաքածու:

Այս ակումբները ստացել են այս արտոնությունը MLS-ից՝ նախորդ մրցաշրջանում ավելի քան 100,000 մարզաշապիկ վաճառելուց հետո:

Vogue ամսագիրն էլ ամերիկյան ակումբի մարզաշապիկները, որոնց վրա պատկերված է աշխարհի չեմպիոնի անունը, ընդգրկել է տարվա ընթացքում նորաձևության 15 լավագույն նմուշների ցանկում:

Աղբյուրը՝ armsport.am