Զոհերի ամենամեծ թիվը գրանցվել է Վաձիմա և Սուձու քաղաքներում, որտեղ երկրաշարժերի հետևանքով մահացել է համապատասխանաբար 24 և 20 մարդ: Ավելի վաղ հաղորդվել էր 48 զոհի մասին: Մարդիկ կարող են լինել նաև փլատակներում։

Հունվարի 1–ին Ճապոնիայի Իսիկավա պրեֆեկտուրայում մի շարք հզոր երկրաշարժեր են տեղի ունեցել։ Դրանց տրվել է «Երկրաշարժ Նոտո թերակղզում» անվանումը։ Ամենահզորի մագնիտուդը կազմել է 7,6։

Ստորգետնյա ցնցումները հանգեցրել են տների ավերածությունների և արագընթաց գնացքների երթևեկության դադարեցման, ավելի քան 32 հազար տների էլեկտրաէներգիայի անջատման: Որոշ շրջաններում նկատվում են ջրամատակարարման և կապի անջատումներ: Արձանագրվել են ճանապարհների վնասվածքներ։ ԱԷԿ-ի աշխատանքում խափանումներ չեն հայտնաբերվել։

Նշենք, որ 2024 թվականի հունվարի 1-ի երկրաշարժն ամենահզորն էր Նոտո թերակղզու տարածաշրջանի համար 1885 թվականից ի վեր, երբ սկսվել է վիճակագրությունը:

Աղբյուրը՝ armeniasputnik.am