Մամուլում տեղեկություններ են տարածվել, թե ՀՀ սպորտի և երիտասարդության հարցերի նախարար Արթուր Պետրոսյանը հրաժարական է տվել։

«7օր»–ը փորձել է ճշտել՝ այս լուրերը իրականությանը համապատասխանո՞ւմ են, թե՞ ոչ։

Մեզ հետ զրույցում Սպորտի և երիտասարդության հարցերի նախարարության մամլո ծառայության ղեկավար Իվետա Տոնոյանը հերքել է այդ տեղեկատվությունը։

–Նախարարը հրաժարական չի տվել։ Նա աշխատում է բնականոն կերպով։ Այսօր  նախարարը  մասնակցել է կառավարության նիստին և հիմա էլ շարունակում է աշխատանքը։ Իսկ մամուլում հայտնված այդ տեղեկատվությունը որևէ առնչություն չունի  իրականության հետ,–ասել է  նա։

7or.am