Ֆրանսիայի դատախազությունը հետաքննություն է սկսել 88-ամյա դերասան Ալեն Դելոնի վիլլայից առգրավված զենքի վերաբերյալ։ Ընդհանուր առմամբ, ժանդարմները Դուշիում Ալեն Դելոնի վիլլայից առգրավել են 72 հրազեն և ավելի քան 3 հազար փամփուշտ, հաղորդում է Parisien-ը։

Սրանք փոքր զենքեր են, մասնավորապես A և B կատեգորիաների և կոլեկցիոն զենքեր: Սակայն դերասանը հրազեն ունենալու թույլտվություն չի ունեցել։ Դերասանը ստուգվում է ապօրինի զենք-զինամթերք ձեռք բերելու և պահելու համար։ Քննիչները վիլլայի տարածքում հայտնաբերել են հրաձգարան։ Վիլլայում խուզարկությունն իրականացվել է դերասանի ընտանիքում կոնֆլիկտի և նրա առողջության հետ կապված մտահոգությունների հետ կապված մեկ այլ հետաքննության սկսվելուց հետո։

«Իմ պաշտպանյալը շատ անհանգստացած է՝ իմանալով, որ Ալեն Դելոնը պահվում է առանց բժշկական օգնության՝ մոտակայքում զենքով»,-ասել է Յասին Բուզրուն՝ Դելոնի կողակից Հիրոմի Ռոլինի փաստաբանը:

Հունվարին Դելոնը դատական ​​հսկողության է ենթարկվել, սահմանափակվել են նրա մի շարք իրավունքները, ներառյալ գույքը տնօրինելու հնարավորությունը:

Աղբյուրը՝ news.am