Ղազախստանի խորհրդարանի ստորին պալատի պատգամավորները դիմել են երկրի նախագահ Նորսուլթան Նազարբաևին Մաժիլիսի լիազորությունները վաղաժամկետ դադարեցնելու խնդրանքով։

Պատգամավորներից մեկը ռադիո «Մայակ»–ին ասել է. «Խորհրդարանական ընտրությունները պետք է տեղի ունենային գալիք տարվա օգոստոսին, սակայն այսօր հասարակության մեջ բավական շատ են խորհրդարանի փոփոխման վերաբերյալ խոսակցությունները»։

Նշենք, որ Ղազախստանի օրենսդրությունը թույլ է տալիս պատգամավորներին խորհրդարանը ցրելու խնդրագրով դիմել երկրի նախագահին։