Փետրվարի 29-ին արտառոց դեպք է տեղի ոնեցել Երևանում։ Ժամը 18։30-ի սահմաններում ՀՀ ՆԳՆ ոստիկանության Արաբկիրի բաժին է դիմել Երևանի բնակիչ 50-ամյա Գ․ Ա․-ն և հայտնել, որ 1 օր առաջ իր 15-ամյա աղջիկը դպրոցից տուն վերադառնալիս է եղել, երբ անծանոթ տղամարդը մոտեցել է երեխային, ապա հարցրել է, թե մոտակայքում որտեղ կա մթերային խանութ, երեխան էլ նրան ցույց է տվել խանութի տեղի ու հասնելով Թբիլիսյան խճուղում գործող խանութի հետնամաս, այդ տղամարդը երեխային գրկել է, սկսկել համբուրել շուրթերը, մարմնի մասերը, հաղորդում է Shamshyan.com-ը:

Երեխային հաջողվել է փախչել ու կատարվածի մասին հայտնել է ծնողներին։

Կայքի տեղեկություններով՝ ոստիկանության ծառայողները պարզել են արարքը կատարած անձի ինքնությունը, ում կարճ ժամանակ անց հայտնաբերել են Թբիլիսյան խճուղում և սեքսուալ բնույթի բռնի գործողություն կատարելու կասկածանքով ձերբակալել և տեղափոխել են ոստիկանության Արաբկիրի բաժին։

Դեպքի փաստով ՀՀ Քննչական կոմիտեի Երևան քաղաքի քննչական վարչության Արաբկիրի քննչական բաժնում նախաձեռնվել է քրեական վարույթ։

Կասկածյալին Արաբկիրի ոստիկանները ներկայացրել են Արաբկիրի քննչական բաժին։

Կայքի տեղեկություններով՝ նա Արագածոտնի մարզի բնակիչ 26-ամյա Արամ Մ․-ն է։