Խոսելով ընդհանուր առմամբ կազմակերպության գործունեության մասին՝ Տասմագամբետովն ընդգծել է, որ ՀԱՊԿ-ը ավանդաբար հատուկ ուշադրություն է դարձնում «խաղաղապահ ուղուն»։

«Հիշեցնեմ, որ ՀԱՊԿ խաղաղապահ ուժերը հաջողությամբ դրսևորեցին իրենց 2022 թվականի հունվարին (Ղազախստանում իրավիճակի կայունացման ժամանակ,-խմբ.)։ Սակայն ՀԱՊԿ–ը ուղղված է խաղաղապահ նախաձեռնություններին մասնակցության ընդլայնմանը նաև կազմակերպության պատասխանատվության գոտուց դուրս»,-ասել է նա։

Հիշեցնենք` փետրվարի 23-ին հայտնի դարձավ, որ Փաշինյանը «France24» հեռուստաալիքին տված հարցազրույցում ասել է` Հայաստանի նկատմամբ Հավաքական անվտանգության պայմանագիրը չի կատարվել, ուստի Երևանը սառեցրել է իր մասնակցությունը կազմակերպությանը (ՀԱՊԿ):

Ավելի ուշ ՌԴ ԱԳՆ-ն հայտարարություն տարածեց, որ Ռուսաստանը երկկողմ խողովակներով սպառիչ պարզաբանումներ է ակնկալում Հայաստանից, թե ինչ են նշանակում Նիկոլ Փաշինյանի խոսքերը Հավաքական անվտանգության պայմանագրի կազմակերպությունում (ՀԱՊԿ) Երևանի մասնակցության սառեցման մասին: