Սունդուկյանի անվան թատրոնի տնօրինությունը փակել է մեր թատրոնի մուտքի դուռը։

Այս մասին ֆեյսբուքյան էջում հայտարարություն է տարածել «Գոյ» թատրոնը։

«Ինչպես հայտնի է, Գաբրիել Սունդուկյանի անվան ազգային ակադեմիական թատրոնի տնօրինությունը փակել է «Գոյ» թատրոնի մուտքի դուռը և խոչընդոտում է թատրոնի բնականոն աշխատանքներին։

Վաղը` ապրիլի 2-ին, ժամը 12։00-ին «Գոյ» թատրոնի անձնակազմը փորձելու է մուտք գործել թատրոն Գաբրիել Սունդուկյանի անվան թատրոնի մուտքով և Գաբրիել Սունդուկյանի անվան թատրոնի տնօրենից պարզաբանումներ ստանալ, որից հետո կտրվի մամուլի ասուլիս»։