Իրանում ոստիկանության և ԻՀՊԿ-ի օբյեկտների վրա հարձակված 15 անձինք սպանվել են
Իրանի Իսլամական հեղափոխության պահապանների կորպուսի (ԻՀՊԿ) ծառայողները ոչնչացրել են 15 մարդու, որոնք Սիստան և Բելուջիստանի նահանգում հարձակվել են ոստիկանության և ԻՀՊԿ-ի օբյեկտների վրա: Այս մասին «Արմենպրես»-ը տեղեկանում է «Ինտերֆաքս» գործակալությունից։
Նշվում է, որ ըստ EFE գործակալության՝ բախումների ժամանակ զոհվել են նաև երեք ոստիկան և ԻՀՊԿ-ի երկու զինծառայող։
Հարձակումները տեղի են ունեցել ապրիլի 3-ի երեկոյան՝ հարավարևելյան Սիստան և Բելուջիստանի նահանգի Ռասկ և Չաբահար քաղաքներում:
Հարձակվողները պատանդներ են վերցրել Չաբահարում: Ինչպես նշում է EFE-ն, ԻՀՊԿ-ի ուժերի և հարձակվողների միջև բախումներից մի քանի ժամ անց բոլոր պատանդներին հաջողվել է ազատել։
Իրանի ներքին գործերի փոխնախարար Մաջիդ Միրահմադին հայտարարել է, որ հարձակումների համար պատասխանատվությունը կրում է «Ջեյշ ազ Զոլմ» արմատական խմբավորումը, որն Իրանում ահաբեկչական են ճանաչում։
Անցյալ տարվա դեկտեմբերին նույն խմբավորումը ստանձնել էր Ռասկ քաղաքում ոստիկանների վրա հարձակման պատասխանատվությունը, որի հետևանքով սպանվել էր 11 իրավապահ:
Խմբավորումը փոխգործակցել է Իրանում քուրդ անջատականների հետ։ Ահաբեկչական կազմակերպություն է ճանաչվել Իրանում, ԱՄՆ-ում, Ճապոնիայում, Նոր Զելանդիայում։
Իրանում ոստիկանության և ԻՀՊԿ-ի օբյեկտների վրա հարձակված 15 անձինք սպանվել են
Իրանի Իսլամական հեղափոխության պահապանների կորպուսի (ԻՀՊԿ) ծառայողները ոչնչացրել են 15 մարդու, որոնք Սիստան և Բելուջիստանի նահանգում հարձակվել են ոստիկանության և ԻՀՊԿ-ի օբյեկտների վրա: Այս մասին «Արմենպրես»-ը տեղեկանում է «Ինտերֆաքս» գործակալությունից։
Նշվում է, որ ըստ EFE գործակալության՝ բախումների ժամանակ զոհվել են նաև երեք ոստիկան և ԻՀՊԿ-ի երկու զինծառայող։
Հարձակումները տեղի են ունեցել ապրիլի 3-ի երեկոյան՝ հարավարևելյան Սիստան և Բելուջիստանի նահանգի Ռասկ և Չաբահար քաղաքներում:
Հարձակվողները պատանդներ են վերցրել Չաբահարում: Ինչպես նշում է EFE-ն, ԻՀՊԿ-ի ուժերի և հարձակվողների միջև բախումներից մի քանի ժամ անց բոլոր պատանդներին հաջողվել է ազատել։
Իրանի ներքին գործերի փոխնախարար Մաջիդ Միրահմադին հայտարարել է, որ հարձակումների համար պատասխանատվությունը կրում է «Ջեյշ ազ Զոլմ» արմատական խմբավորումը, որն Իրանում ահաբեկչական են ճանաչում։
Անցյալ տարվա դեկտեմբերին նույն խմբավորումը ստանձնել էր Ռասկ քաղաքում ոստիկանների վրա հարձակման պատասխանատվությունը, որի հետևանքով սպանվել էր 11 իրավապահ:
Խմբավորումը փոխգործակցել է Իրանում քուրդ անջատականների հետ։ Ահաբեկչական կազմակերպություն է ճանաչվել Իրանում, ԱՄՆ-ում, Ճապոնիայում, Նոր Զելանդիայում։