ՆԳՆ ոստիկանության Արագածոտնի մարզի օպերատիվ կառավարման կենտրոնից ապրիլի 9-ին ժամը 8.09-ին Աշտարակի բաժին հաղորդում է ստացվել, որ Ավան գյուղի 1-ին փողոցի տներից մեկում դիակ է հայտնաբերվել:

Ինչպես տեղեկացնում է Ոստիկանության տարածած հաղորդագրությունից, օպերատիվ խումբը տան նախասրահի հատակին հայտնաբերել է Երևանի բնակիչ 69-ամյա Դալվորիկ Օ.-ի դիակը: Արտաքին զննությամբ դեմքի շրջանում հայտնաբերվել են վնասվածքներ և կապտուկներ:

Նշանակվել է դատաբժշկական փորձաքննություն:

ՆԳՆ ոստիկանության Արագածոտնի մարզային վարչության և Աշտարակի բաժնի ծառայողների ձեռնարկած օպերատիվ-հետախուզական միջոցառումների շնորհիվ 69-ամյա տղամարդուն կյանքից ապօրինաբար զրկելու կասկածանքով ձերբակալվել և Արագածոտնի մարզային քննչական վարչություն է ներկայացվել Ավան գյուղի բնակիչ 63 տղամարդը:

Նախաձեռնվել է քրեական վարույթ:

69-ամյա տղամարդու մահվան պատճառն ու դեպքի հանգամանքները պարզվում են: