Սիրիական Հալեպ քաղաքը գրեթե գրավվել է թուրքամետ ահաբեկիչների կողմից։ Տեղեկությունը հաղորդում է «Sky News Arabia»-ն։

Գրոհայինները վերահսկողության տակ են վերցրել մի շարք կառավարական շենքեր, ոստիկանության և պետական անվտանգության կենտրոնակայաններ։ Զինյալները նաև բանտերից հարյուրավոր բանտարկյալների են ազատել:

Սիրիական կառավարական զորքերի հետ գիշերային բախումներից հետո (որոնց հրամանատարությունը հավաստիացնում էր, որ իրենց հաջողվել է հետ մղել զինյալներին) ահաբեկչական խմբավորումները ընդլայնել են Հալեպի կենտրոնական հատվածում վերահսկողության գոտին: Գրոհայինները հաջողություն են գրանցել նաև Իդլիբի արևելքում։

Մի շարք ԶԼՄ–ների տվյալներով՝ Մոսկվան Դամասկոսին լրացուցիչ ռազմական օգնություն է խոստացել, որը տեղ կհասնի առաջիկա 72 ժամվա ընթացքում:

Միաժամանակ տեղեկություններ կան, որ գրոհայինները հարվածներ են հասցրել Հալեպի նահանգի Քվեյրիս ավիաբազայում ռուսական դիրքերին:

Աղբյուրը՝ arm.sputniknews.ru