Քաղաքական

23.01.2025 10:01


Տնտեսվարողները բողոքի ակցիա են անում կառավարության մոտ․ «Մայր Հայաստանի» ներկայացուցիչները տեղում են (ուղիղ)

Տնտեսվարողները բողոքի ակցիա են անում կառավարության մոտ․ «Մայր Հայաստանի» ներկայացուցիչները տեղում են (ուղիղ)

Տնտեսվարողները բողոքի ակցիա են իրականացնում Կառավարության շենքի դիմաց: Փոքր ու միջին բիզնեսի ներկայացուցիչները դժգոհում են շրջանառության հարկի բարձրացումից: Որոշ դեպքերում՝ շրջհարկով աշխատողներին տեղափոխել են ավելացված արժեքի ու շահութահարկի դաշտ, ինչը մոտ 8 անգամ ավելացրել է նրանց հարկային բեռը:

Ձեռներեցները դժգոհում են նաև համընդհանուր գույքագրման ու հայտարարագրման պահանջից, քանզի շատ դեպքերում մեծածախից հնարավոր չի լինում հաշիվ-ապրանքագիր ստանալ: Իսկ դա նշանակում է, որ հայտարարագրման դեպքում բիզնեսը պարզապես կփակվի:

Ինչպես ավելի վաղ հայտարարվել էր, «Մայր Հայաստանի» ներկայացուցիչները միացել են այդ բողոքի գործողությանը:

Նրանց խոսքով՝ փոխարենը բարեփոխումը և ստվերային տնտեսության կրճատումը սկսեն վերևից, ճնշում են փոքր բիզնեսին․ պետք է դադարեցնել իշխանությունների կողմից իրականացվող հարկային տեռորը:

Այս խորագրի վերջին նյութերը