29.04.2024 ● 12:56
29.04.2024 ● 12:20
29.04.2024 ● 12:00
29.04.2024 ● 11:51
29.04.2024 ● 10:07
29.04.2024 ● 09:21
29.04.2024 ● 08:27
29.04.2024 ● 07:53
29.04.2024 ● 07:38
28.04.2024 ● 20:57
28.04.2024 ● 20:36
28.04.2024 ● 19:46
28.04.2024 ● 18:51
28.04.2024 ● 17:56
28.04.2024 ● 13:28
«Ատիրաու» ակումբի երկրպագուները մեղադրում են ադրբեջանցի մարզչին ազգայնական դատողությունների համար
Ղազախական «Ատիրաու» ֆուտբոլային ակումբում սկանդալ է հասունանում՝ թիմի ադրբեջանցի գլխավոր մարզիչ Ռամիզ Մամեդովի արած հայտարարությունների հետևանքով։ Ադրբեջանական լրատվամիջոցներին տված հարցազրույցում նա հայտարարել է, որ հայ ֆուտբոլիստի հետ թիմում չի պատրաստվում աշխատել։ Ավելի վաղ «Ատիրաու»-ի պատիվը բարձր էր պահում Հայստանի երիտասարդական հավաքականի նախկին խաղացող Տիգրան Ղարաբաղցյանը։
-Ինչքան ինձ հայտնի է Ղարաբաղցյանը այլևս «Ատիրաու» ակումբի անդամ չէ։ Սակայն եթե դա այդպես չէ, ապա ես խոսակցություն կունենամ ակումբի ղեկավարության հետ։ Եթե ես աշխատում եմ «Ատիրաու»-ում, այստեղ հայ չի խաղա, - ավելի վաղ հայտնել էր Մամեդովը։
Այս դատողությունները դժգոհությունների մեծ ալիք է առաջացրել «Ատիրաու» ակումբի երկրպագուների շրջանում, որոնք հանդես են եկել հետևյալ հայտարարությամբ.
«Մենք՝ «Ատիրաու» ֆուտբոլային ակումբի երկրպագուներս, ի տեղեկություն Մամեդովի հայտնում ենք, որ Ղազախստանը բազմազգ պետություն է, որտեղ ապրում են ավելի քան 100 ազգությունների ներկայացուցիչներ, ովքեր կողք կողքի ապրում են խաղաղ արևի ներքո միասնության, բարեկամության և համաձայնության մեջ։
Մեր թիմում միշտ ուս ուսի տված խաղացել են ղազախներ, ռուսներ, ադրբեջանցիներ, չեչեններ, ուկրաինացիներ և այլ ազգությունների ներկայացուցիչներ։ Ատիրայի մեր խաղադաշտում մեր ֆուտբոլային ակումբին երկրպագում են տարբեր ազգությունների ներկայացուցիչներ»: