Նոր Ժամանակներ կուսակցության նախագահ Արամ Կարապետյանը ԱԺ ՀՀԿ խմբակցության պատգամավոր Հակոբ Հակոբյանի հետ համատեղ ասուլիսում, ամփոփելով 2011թ.՝  նշել է, որ անցնող տարին տնտեսական և սոցիալական առումով կրկնում է 2010–ը, այսինքն՝ որևէ լուրջ փոփոխություն չեղավ ժողովրդի վիճակի բարելավման ուղղությամբ։

«Տարվա վերջում քաղաքական էլիտայի դեգրադացիոն գործընթացներ էին սկսվել»,–ասել ՆԺԿ նածխագահը՝  նշելով ԱԺ–ում պետբյուջեի քվեարկությունը։

Բանախոսի կարծիքով՝ գաղափարախոսական և բացատրությունների իմաստով տեղի ունեցած վերջին փոփոխությունները անհասկանալի և անտրամաբանական են։

ՀՀԿ պատգամավորը նշել է, որ 2011թ. տնտեսական առումով վատ չէր, գնաճը հնարավոր է եղել վերահսկել, իսկ աղքատության մակարդակը այս տարի կազմել է  38%։

Անդրադառնալով կադրային փոփոխություններին՝ Հակոբ Հակոբյանը նշել է, որ դա տրամաբանական է, քանի որ արաբական աշխարհը ցույց տվեց, որ եթե ընդհանրապես փոփոխություններ չեն լինում, ապա իշխանությունը փոխվում է ամբողջությամբ։

7or.am