ՀՀ փոխարտգործնախարար Շավարշ Քոչարյանի ղեկավարած ԱԺԿ վարչության քարտուղար Դուստրիկ Մխիթարյանը «7օր»–ի հետ զրույցում ասել է, թե ծանոթ չէ ՀՅԴ–ի ու «Ժառանգության» համատեղ հայտարարությանը, թեև իրենց կուսակցությունը միշտ էլ կողմ է եղել 100%–անոց համամասնական ընտրակարգին։

–Բազմաթիվ միջոցառումների ժամանակ և՛ ՀՅԴ–ի, և՛ «Ժառանգության», և՛ մեր կարծիքներն այս հարցում միշտ համընկել է։ Մենք միշտ կողմ ենք եղել համամասնական ընտրակարգին և հիմա էլ կողմ ենք,–ասել է նա։–Մեր ծրագրում ոչ միայն գրված է 100% համամասնականի մասին, այլ նաև մենք առաջարկում ենք ֆիննական տարբերակը՝ ընտրողն ինքը պետք է համամասնական ցուցակը կազմի։ Մենք համամասնական անգամ ավելի խստացված տարբերակին ենք համաձայն։

7or.am