Ինչպես տեղեկացնում է «Ռոյթերս» գործակալությունը, երեկ Մայքլ Ջեքսոնի ձեռքերի և ոտքերի հետքերը հայտնվել են Հոլիվուդում՝ Գրաումանի Չինական թատրոնի դիմաց՝ Փառքի արարհետի վրա:

Հետքերը թողել են հանգուցյալ երգչի երեխաները, նրա մարզակոշիկների և հայտնի ձեռնոցի միջոցով, իսկ  դրանց կողքին երեխաները թողել են սեփական ափերի հետքերը:

Ջեքսոնի երեխաներից բացի, արարողությանը մասնակցել են նրա ընտանիքի այլ անդամներ, ինչպես նաև երգիչ Ջասթին Բիբերը և շուրջ 100 հանդիսատես: Նրանց առաջ ելույթ են ունեցել «Դյու Սոլեյ» կրկեսի դերասանները, որոնք հունվարի 27-29-ին Լոս Անջելեսում Ջեքսոնին նվիրված շոու կներկայացնեն: Փառքի արահետում են հայտնի շատ մարդկանց թողած ձեռնահետքերն և ոտնահետքերը: