«Pingdom» կազմակեպությունը, օգտվելով տարբեր աղբյուրներից, կազմել է «Համացանց 2011–ը թվերով» հաշվետվությունը։

2011–ին համացանցի օգտատերերի թիվը հասել է 2,1 միլիարդի, ինչը նշանակում է, որ համացանցից օգտվելու հնարավորություն ունի աշխարհի բնակչության 30%–ը։ Օգտատերերի քանակով առաջին տեղում Ասիան է՝ 920 մլն, երկրորդում՝ Եվրոպան՝ 480 մլն,  ապա գալիս են Հյուսիսային Ամերիկան՝ 270 մլն, Լատինական Ամերիկան՝ 216 մլն և Աֆրիկան՝ մոտ 120 մլն։ Օգտատերերի 45%–ը մինչև 25 տարեկաններն են։

Կայքերի թիվը հասել է 555 միլիոնի այն դեպքում, երբ 2010–ին դրանք եղել են ընդամենը 255 մլն։ Ընդհանուր առմամբ, գրանցվել է ավելի քան 3,1 միլիարդ էլեկտրոնային փոստ, 800 մլն ֆեյսբուքյան գրանցում և մոտ 225 մլն՝ «Թուիթթերում»։

Իսկ բջջային ցանցերի բաժանորդների թիվը հասել է 5,9 միլիարդի։