ԱՄՆ պաշտպանության նախարար Լեոն Պանետան ՆԱՏՕ–ի շտաբ–բնակարանում հայտարարել է, որ կոալիցիոն ուժերը Աֆղանստանի ռազմական գործողությունները կդադարեցնեն 2013թ. կեսերին, իսկ ԱՄՆ–ը Քաբուլի հետ խորհրդակցությունները կշարունակի մինչև 2014թ. ներառյալ։ Այս մասին հաղորդում է «Ասոշիեյթեդ պրես» գործակալությունը։

ՆԱՏՕ–ի ու Քաբուլի միջև կնքված համաձայնությունով՝ հյուսիսատլանտյան դաշինքի ուժերը իրենց առաքելությունը պետք է ավարտեն 2014թ.։

Ըստ «Ասոշիեյթեդ պրես» գործակալության տվյալների՝ այս որոշումը կարող է նախընտրական պայքարում նպաստ բերել ԱՄՆ նախագահ Բարաք Օբամային, քանի որ նրա նախընտրական խոստումներից մեկը եղել է ԱՄՆ զորքերի դուսբերումը Իրաքից և Աֆղանստանից։ Հիշեցնենք, որ ԱՄՆ զորքերը Իրաքից դուրս են բերվել նախորդ տարվա վերջին։