Ինչպես տեղեկացնում է «ՌԻԱ նովոստի» գործակալությունը,  Ճապոնիայում առատ ձյան հետևանքով առնվազն 103 մարդ է մահացել։

Զոհերի հիմնական մասը՝ շուրջ 60 մարդ, նրանք են, ովքեր փորձել են մաքրել իրենց տների տանիքները։ Նրանք հիմնականում տարեց մարդիկ են՝ 65 տարեկանից ավելի։

Մի որոշ մասն էլ մահացել է տանիքներից  թափված ձյան տակ մնալու  հետևանքով։

Առատ ձյուն է տեղացել երկրի բոլոր շրջաններում։ Ինչպես հայտնում է «AP»–ն, Ճապոնիայի որոշ  շրջաններում նորմայից 2–5 անգամ ավելի ձյուն է տեղացել։