Փետրվարի 28-ին, ժամը 11:39-ին  ահազանգ է ստացվել, որ Երևան քաղաքի Ֆրունզե փողոցի թիվ 4 շենքի հարակից լքված շինությունում այրվում է աղբ:

Դեպքի վայր է մեկնել երկու մարտական հաշվարկ։

Տեղում պարզվել է, որ նախկին «Զենիթ» մարզադահլիճում (չգործող) այրվում է աղբ և շինարարական թափոն:

Հրդեհը մեկուսացվել է ժամը 12:01-ին, մարվել` ժամը 12:24-ին :

Այրվել է սպորտային դահլիճի հատակը` մոտ 60 ք.մ:

…

Նույն օրը, ժամը 11:45-ին  ահազանգ է ստացվել, որ Արարատի մարզի Արալեզ գյուղի մոտակայքում այրվում է խոտածածկ տարածք:

Դեպքի վայր է մեկնել մեկ մարտական հաշվարկ:

Հրդեհը մեկուսացվել է ժամը 12:10-ին, մարվել` ժ.12:20-ին:

Գ. Զոհրապյանին պատկանող հողամասում այրվել է մոտ 200 ք.մ խոտածածկ տարածք և 15 ծառ:

…

Նույն օրը, ժամը 13:14-ին  տեղեկություն է ստացվել, որ Տավուշի մարզի Աչաջուր գյուղում այրվում է խաղողի այգի:

Դեպքի վայր է մեկնել մեկ մարտական հաշվարկ:

Հրդեհը մեկուսացվել է ժամը 13:32-ին, մարվել` ժամը 14:40-ին: Այրվել են Ս.Սաֆարյանին և Օ.Քոքորյանին պատկանող խաղողի այգիները՝ մոտ 2000 ք.մ:

…

Նույն օրը, ժամը 20:57-ին  ահազանգ է ստացվել, որ հրդեհ է բռնկվել Սյունիքի մարզի Ալվանք գյուղի 3-րդ փողոցի թիվ 14 տանը:

Ժամը 20:58-ին դեպքի վայր է մեկնել Մեղրի քաղաքի Հրշեջ փրկարար ջոկատից  երկու, իսկ Հրշեջ փրկարար ջոկատի Ագարակի հենակետից մեկ մարտական հաշվարկ:

Հրդեհը մեկուսացվել է ժամը 22:55-ին, մարվել` ժամը 23:45-ին:

Այրվել է Արմեն Դանիելյանին պատկանող տունը և նրան հարակից ավտոտնակը (ընդհանուր 200 ք.մ):