Ինչպես հաղորդում է «Aze.az»–ը, Վրաստանի նախագահ Միխայիլ Սահակաշվիլին այսօր ելույթ է ունեցել Ադրբեջանի փոքր մեջլիսում և հայտարարել, որ Վրաստանն ու Ադրբեջանը հակված են համատեղ հայտ ներկայացնել Եվրոպայի ֆուտբոլի 2020 թ. առաջնությունն իրենց մոտ անցկացնելու համար։

Եվրոպայի 2020 թ. ֆուտբոլի առաջնությունը հաշվով 16–րդն է և կանցկացվի 2020թ. ամռանը։ Դա կլինի Եվրոպայի երկրորդ առաջնությունը, որի եզրափակիչ փուլում կխաղա 24 հավաքական։ Երկիրը (երկրները), որտեղ կանցկացվի առաջնությունը, կընտրվի 2014թ. ամռանը՝ ՈՒԵՖԱ–ի գործադիր կոմիտեի նիստի ժամանակ։