Քենիայի իշխանությունը 25000 բուժքրոջ է աշխատանքից ազատել, ինչը կարող է աֆրիկյան այդ երկրի բժշկական հաստատությունների աշխատանքի համատարած խաթարման հանգեցնել։ Քենիայի կառավարությունը ստիպված է եղել նման քայլի դիմել այն բանից հետո, երբ 2012թ. մարտի 1–ից բուժքույրերը գործադուլ են սկսել։ Նրանք պահանջում էին բարձրացնել իրենց աշխատավարձը, ինչպես և մեկ տարի առաջ խոստացել էին պետական պաշտոնյաները։ Բացի այդ, գործադուլի միջոցով բուժքույրերը իշխանության ուշադրությունն են փորձել հրավիրել հիվանդանոցներում սարքավորումների պակաս լինելու վրա։