Այսօր՝ մարտի 15-ին Սլավոնական Համալսարանի Կապույտ դահլիճում տեղի կունենա մեկօրյա դասընթաց` նվիրված երիտասարդների գործազրկությանը և նրանց զբաղվածության հիմնախդնրին: Դասընթացի ընթացքում մասնակիցները կծանոթանան հաջողակ ինքնակենսագրական և ուղեկցող նամակ գրելու հմտություններին, կսովորեն, թե ինչպես նախապատրաստվել գործատուի հետ հարցազրույցին, ինչպես նաև կտեղեկացվեն տարբեր աշխատանքային, կրթական և կամավորական հնարավորությունների մասին:

Դասընթացին մասնակցելու են շուրջ 100 ուսանողներ ՀՀ տարբեր բուհերից: Ծրագրի հիմնական նպատակն է երիտասարդներին ծանոթացնել ինքնակենսագրական գրելու նրբություններին և հմտություններին և նրանց մրցակցային դարձնել աշխատաշուկայում: Միջոցառման ընթացքում մասնակիցները կծանոթանան նաև աշխատանքային իրավունքներին և օրենսդրությանը:

Եվրոպական Ուսանողական Ֆորում