Ուլյանովսկում հնարավոր է՝ ստեղծվի ՆԱՏՕ–ի տրանզիտային կենտրոն, որով կանցնեն ոչ միայն ապրանքներ և տեխնիկա, այլ նաև ալյանսի զինծառայողներ։ ՌԴ ԱԳ նախարար Սերգեյ Լավրովը Պետդումայում ասել է, որ նման կետ է պարունակում համաձայնագրի նախագիծը։ Ավելի վաղ հայտնի էր դարձել, որ Պետդումայի պաշտպանության կոմիտե է ներկայացվել ՌԴ պաշտպանության նախարար Անատոլի Սերդյուկովի համապատասխան նամակը, որով և առաջարկվում է նման կայան ստեղծել Ուլյանովսկում։

ՌԴ արտգործնախարար Լավրովի խոսքերով՝ Ռուսաստանի շահերից է բխում տրանզիտային կայանի ստեղծումը։ Լավրովը նաև ընդգծել է, որ խոսքը ՆԱՏՕ–ի ռազմաբազայի ստեղծման մասին չէ. տրանզիտային կայանում չի լինելու ՆԱՏՕ–ի սպասարկող անձնակազմ, զինծառայողներն էլ երկար չեն մնա կայանում։