ԵՀԿ Երևանյան գրասենյակի ղեկավար

Պարոն Ա. Սորոկինին

Պատճենը՝ Հայաստանում ԵՄ Պատվիրակությանը

    Հարգելի  Պարոն  Սորոկին,

Եվրամիության, Հայաստանում 2012 և 2013 թթ. Ժողովրդավարական ընտրությունների անցկացմանն աջակցության շրջանակներում, երեկվա  կնքված  պայմանագիրը  Ձեր  գլխավորած  գրասենյակի  և  ՀՀ  ՄԻՊ-ի միջև  այն  աստիճանի  ժամանակավրեպ  է, որ  ստեղծված  պայմաններում, փաստորեն  օրինականացնում  եք  այն  ընտրախախտումները, որոնք  տեղի  են  ունեցել  /ունենալու/ մինչև  ԸՕ-ով  սահմանված «նախընտրական  քարոզչությունը», որն  անվանել  եք,  ԸՕ-ի  հասկանալի կամ անհասկանալի  պատճառներով, «նախընտրական շրջան»  եզրույթով /pre-election campaign/:

   Տեղեկացնում  եմ, որ  ընտրական գործընթացները  /ընտրությունները/ մեր երկրում  սկսվել  են  ս.թ.-ի  փետրվարի  24-ից, այսինքն  մոտ  մեկ  ամիս առաջ, որի  ընթացքում, արդեն  իշխող  կուսակցությունը /ՀՀԿ/ կարողացել  է իրականացնել  զանգվածային  ընտրախախտումներ, որոնք կարող են  ազդել քվեարկության արդյունքների վրա: Մասնավորապես,  ՀՀԿ-ական  Վարչապետի  կողմից, ՀՀ  օրենդրության  պահանջների  կոպիտ  խախտումներով, պետական ահռելի  միջոցներ են օգտագործվել  հօգուտ  ՀՀԿ  քարոզչության:

  Այսինքն, Ընտրական օրենսգրքի  18-րդ հոդվածի 1-ին կետի  2-րդ մասով  սահմանված  այդ  քարոզչության  օրինականությունը  նույնպես  պետք  է  դառնար  հիշյալ  պայմանագրի  առարկան, որն  անտեսվում  է  Ձեր  կողմից:

  Համաձայն  ենք, որ  ՌԴ  վերջին  ընտրություններում  նույնն  է տեղի  ունեցել, որի  առնչությամբ, ի դեպ,  ԵԱՀԿ  դիտորդներն  իրենց  բացասական  կարծիքն  են տվել, սակայն  դա ինչ  կապ  ունի  ՀՀ  ընտրությունների  հետ:

  Ստեղծված, պայմաններում  առաջարկում  ենք՝

1. բարեխղճորեն  կատարել  ԵԱՀԿ առաքելությունը Հայաստանում  և  այդ  շրջանակներում, ուշադրության  արժանացնել  մինչ  այսօր  կատարված  ընտրախախտումների  հետևանքների  վերացման  խնդիրներին,

2. հիշյալ  Պայմանագրի  շրջանակներում  ուսուցում  կազմակերպել  ԿԸՀ  ձևավորող  սուբյեկտների՝ ՄԻՊ-ի, ՎԴ  և  Փաստաբանների  պալատի  նախագահների  հետ, առ  այն, որ  նրանք  պատասխանատու են  ԿԸՀ  գործունեության  համար:

Ակնկալում  ենք նաև, որ  Ձեր  կողմից  կլսենք  համապատասխան  արձագանք:

 Խորին հարգանքով՝ ՀՊԱԿ նախագահ  Ռ.Թորոսյան