Այսօր լրագրողների հետ ճեպազրույցի ժամանակ Տիգրան Սարգսյանը հայտարարել է, թե չի բացառվում, որ ԱԺ ընտրություններից հետո Հովիկ Աբրահամյանը կվերադառնա խորհրդարանի նախագահի պաշտոնին:

Անդրադառնալով ՀՀԿ համամասնական ցուցակում իր և Հովիկ Աբրահամյանի տեղերին (Տիգրան Սարգսյանը երրորդն է, իսկ Աբրահամյանը` երկրորդը)՝ վարչապետն ասել է, որ ցուցակը կազմելիս փորձ է արվել խուսափել սուբյեկտիվիզմից և զբաղեցրած պաշտոնները հաշվի չեն առնվել.

-Ցուցակը կազմվել է զուտ կուսակցական աշխատանքի բաժանմամբ:

Նա նաև հավելել է, որ ցուցակում ընդգրկվել են նախ կուսակցական գործադիր մարմնի անդամները, ապա ՀՀԿ-ին սատարող ուժերը, գործադիր ներկայացուցիչները, մարզպետները և միայն նրանցից հետո` մեծամասնական ընտրակարգով առաջադրած թեկնածուները: