- Մեզանում ձևավորվել է կարծք, որ կան երկու զուգահեռ աշխարհներ՝ իշխանություններ և հասարակություն։ Այսօր հանրությունն օտարված է քաղաքական  որոշումներ կայացնելու գործընթացից,-լրագրողների հետ հանդիպման ժամանակ ասել է «Քրիստոնեա-դեմոկրատական միություն» կուսակցության նախագահ, Հանրային խորհրդի անդամ Խոսրով Հարությունյանը։ Նա վստահեցրել է, որ Հանրային խորհրդի ձևավորումը ոչ միայն հնարավորություն կտա սոսկ բարձրաձայնել խնդիրները, այլև առաջարկություններ մշակել։

-Այն մասնագետները, ովքեր ներգրավված չեն կառավարական ոլորտում, սակայն իրենց մասնագիտական որակներով չեն զիջում, երբեմն նույնիսկ գերազնցում են կառավարական ոլորտում աշխատողներին, այլընտրանք ձևավորելու հնարավորություն են ստանում,-ասել է Խոսրով Հարությունյանը։

Նա համոզված է, որ  Հանրային խորհուրդը հենց այնպես չի ստեղծվել և կարդարացնի իրեն։