Մոհամեդ Բենալել Մերան, Թուլուզում մի շարք սպանություններ կատարած ահաբեկիչ Մոհամեդ Մերայի հայրը հայտարարել է, որ դատական հայտ է ներկայացնելու Ֆրանսիայի կառավարության դեմ։ Այդ մասին հաղորդում է «Agence France-Presse»–ը։

Մերայի հոր կարծիքով, Ֆրանսիայի իշխանությունները չպիտի թույլ տաին իր որդու մահը՝ տան գրոհի ժամանակ։

–Ֆրանսիան մեծ երկիր է, և նա ուներ բոլոր հնարավորությունները պահպանել իմ որդու կյանքը։ Օրինակ, նրանք կարող եին գազով քնեցնել իրեն և ձերբակալել,– հայտարարել է ահաբեկչի հայրը և հավելել, որ ոստիկանությունը նախընտրել է սպանել նրա որդուն։

Մոհամեդ Բենալել Մերան նաև խոսք է տվել վարձել ամենալավ փաստաբաններին և մինչև կյանքի վերջն աշխատել՝ նրանց վարձը տալու համար։