Ազգային ժողովի «Ժառանգություն» խմբակցության ղեկավար Արմեն Մարտիրոսյանն ասել է, որ ոչ թե Ինգա և Անուշ Արշակյանների մեջ պետք է փնտրել 10-րդ տեղը զբաղեցնելու պատճառը, այլ մեր վարած և՛ արտաքին քաղաքականության, և՛ կազմակերպչական հարցերի մեջ։

-Կարծում եմ, որ խնդիրը ո՛չ միայն Սփյուռքի, այև Արցախի հետ կապված հարցն էր։ Սփյուռքի հետ կապված բողոքի ապացույցներից մեկն այն է, որ լոբբինգ իրականացնող հայկական մի կազմակերպություն արտգործնախարարին ԱՄՆ-ում չընդունեց։ Այնպես որ, այդ փաստը գոյություն ունի։ Կարծում եմ, որ կար այն խնդիրը, որ միջազգային հանրությանը Ինգա և Անուշ Արշակյաններին ներկայացնելը պատշաճ ձևով չի իրականացվել։ Ես շնորհակալություն եմ հայտնում և հիացած եմ նրանց կատարողական արվեստով։