Կարծիք

04.04.2012 13:03


Որևէ մեկը իրավունք չունի մեզ ֆաշիստ անվանել՝ անկախ իր զբաղեցրած դիրքից

Որևէ մեկը իրավունք չունի մեզ ֆաշիստ անվանել՝ անկախ իր զբաղեցրած դիրքից
 «Եվրանեսթ» Պառլամենտական Վեհաժողովում Հայաստանին Հանրապետության պատվիրակության անդամ, ԱԺ ՀՅԴ խմբակցության պատգամավոր Լիլիթ Գալստյանի ելույթը Բաքվում կայացած նիստի ժամանակ:

Հարգելի գործընկերներ,

Մենք պատրաստվում ենք ընդունել մի բանաձև, որում շեշտվում են ժողովրդավարական արժեքների և համակարգերի  կարևորությունը:

Հայաստանը միացավ «Եվրանեսթին»` վստահ լինելով, որ Արևելյան գործընկերությունն  այն  պլատֆորմն է, որի բոլոր անդամները կիսում են հավասար պարտականություններ, սկզբունքներ, արժեքներ և, որ ամենակարևորն է, հարգում են միջազգային իրավունքի հիմնարար սկզբունքներն ու ազատությունները:

Մենք  մասն ենք կազմել  «Եվրանեսթ» ընտանիքի` հույս ունենալով, որ միասին կկարողանանք ստեղծել մի այնպիսի քաղաքական միջավայր, որտեղ կծավալվի կառուցողական երկխոսություն` հիմնված փոխադարձ հարգանքի և փոխըմբռնման վրա:

Ցավոք, այսօր առավոտյան Վեհաժողովը սկսվեց մի հայտարարությամբ, որով  ոչ միայն խեղաթյուրվում էր առկա իրավիճակի օբյեկտիվ նկարագրությունը, այլ նաև կասկածի տակ էր դրվում ԼՂՀ հակամարտության կարգավորման բանակցային գործընթացը, ինչպես նաև ի չիք դարձնում Եվրանեսթի Պառլամենտական վեհաժողովի ջանքերը` ուղղված անդամ-երկրների ժողովրդավարացմանը և նրանց  միջև համագործացության զարգացմանը:

Որպես ՀՅԴ կուսակցության անդամ, Սոցինտերնի հիմնադիր անդամ` ես չեմ հանդուրժի և չեմ կարող հանդուրժել, որ որևէ մեկը մեզ վերաբերվի որպես  ֆաշիստի, անկախ նրանից, թե նա տվյալ երկրում ինչ դիրք է զբաղեցնում,  հատկապես մի երկրում, ուր մեր սոցիալիստ ընկերները դատապարտվում են իրենց քաղաքական հայացքների համար:

Հարգելի գործընկերներ, լիահույս եմ, որ համազեկուցողների կողմից պատրաստած  առաջիկա զեկույցը էլ ավելի կնպաստի անդամ երկրների ժողովրդավարացմանը` բացելով ապագա համագործակցության  նոր ուղիներ:

Այս խորագրի վերջին նյութերը