Բլոգեր Տիգրան Քոչարյանը համոզված է, որ Մարաղայի ցեղասպանության 20-ամյակի օրերին Հայաստանում ադրբեջանական ֆիլմերի փառատոն անցկացնելն անբարոյականություն է: Լրագրողների հետ հանդիպման ժամանակ նա ասել է, որ դա նման է ապրիլի 24-ին թուրքական երաժշտության փառատոն անցկացնելուն։

–Թույլ չենք տա, որ բոլորիս համար այս զգայուն թեմայի վրա որոշ մարդիկ բիզնես անեն,-ասել է Տ. Քոչարյանը՝ խոսելով փառատոնի կազմակերպիչ Գեորգի Վանյանի մասին:

–Լավ կլինի՝ գնան ու Թուրքիայում, Ադրբեջանում հանդուրժողականություն քարոզեն, եթե կարողանան՝ գլուխները չկտրեն,-ավելացրել է բլոգեր Վահրամ Միրաքյանը։

7or.am