Ադրբեջանի պաշտպանության նախարարությունը հաղորդագրություն է տարածել Շամքիրում տեղի ունեցած միջադեպի մասին։ Ադրբեջանի Շամքիրի շրջանի զորամասերից մեկում շարքային զինծառայող Վուգար Մամեդովն իր ծառայողական ինքնաձիգից գնդակահարել է շարքայիններ Պունխան Նագիզադեին, Մուսեիբ Գուսեյնովին և վիրավորել ևս երկու զինծառայողի։

Ադրբեջանի պաշտպանության նախարարության մամլո ծառայությունը հայտնել է, որ կրակողը ձերբակալված է, և քրեական գործ է հարուցված։ Միջադեպը քննում է Ադրբեջանի ՊՆ և դատախազության հանձնաժողովը։