Այսօր Իսրայելում սգո օր է՝ Հոլոքոստի զոհերի հիշատակի օրը։ Եվրոպայի հրեաների հերոսության և ողբերգության օրը՝ այսպես է այն պաշտոնապես կոչվում, վեց միլիոն հրեաների հիշատակի օրն է, ովքեր ոչնչացվել են նացիստների կողմից Երկրորդ համաշխարհային պատերազմի տարիներին։

Ողբերգության և հերոսության օրը՝ Յոմ ա–Շոան, նշվում է նիսան ամսվա 27–րդ օրը: Այս տարի դա ապրիլի 19–ն է։ Այս օրը ողջ Իսրայելով հնչում է սգո ազդանշանը։ Երկու րոպեով դադարեցվում է ցանկացած գործունեություն, կանգնում է տրանսպորտը։ Երուսաղեմում` Հոլոքոստի հիշատակի  «Յադ վա–Շեմ» թանգարանում, անց է կացվում զոհերի հիշատակի պաշտոնական արարողությունը։