ԱԺ նախընտրական քարոզչության ժամանակահատվածում  տեղի  ունեցող զանգվածային  խախտումները  էական ազդեցություն  են ունենալու  ընտրության արդյունքների վրա:

Խախտումների  գերակշռող  մասը բաժին  է ընկնում  գործածվող  ԸՕ-ի  22-րդ  հոդվածի       1/3-րդ  մասի պահանջների  խախտումներին, այն  են՝ ԶԼՄ-ներով, և առաջին հերթին  հեռուստառադիոընկերությունների  կողմից,  պատգամավորության թեկնածուներ-քաղաքական  պաշտոններ զբաղեցնողների   գործունեության  լուսաբանումներին...օր  ու  գիշեր:

   Սակայն, ընտրության  արդյունքների  վրա  էական ազդեցություն  ունեցող  այդ  խախտումները  որևէ  ուշադրության չեն  անդրադարձել  ՀՌԱՀ-ի  կողմից,  այսօր  ներկայացրած  մոնիտորինգի  արդյունքներում:

   Ավելին, վերջիններս  ավարտվել  են  «հաղթական» եզրահանգումով՝

«Հաշվետու ժամանակաշրջանում հեռուստառադիոընկերությունների կողմից ՀՀ Ընտրական օրենսդրությամբ նախընտրական քարոզչության սահմանված կարգի խախտումներ չեն արձանագրվել»:

Այդ կապակցությամբ, հայտարարում  ենք մեր մտահոգությունը  ՀՌԱՀ, մեղմ  ասած,  ոչ  մասնագիտական գործունեության  կապակցությամբ  և  պետության  Գլխի  ուշադրությունն  ենք  հրավիրում   ՀՌԱՀ   ընտրագործունեության վրա:

   Հայաստանի Պառլամենտարիզմի Կենտրոն