Լոնդոնի մրցավազքի մասնակից կինը մահացել է հենց մրցավազքի ժամանակ։ 30–ամյա կինն ուշագնաց ընկել է համարյա վերջնագծի մոտ՝ Բուքինգհեմյան պալատի հարևանությամբ։ Կնոջն  առաջին օգնություն են ցուցաբերել, սակայն ապարդյուն. նա մահացել է։ Մահվան պատճառը դեռևս հայտնի չէ։

Բրիտանիայի մայրաքաղաքի փողոցներով ավանդական վազքին մասնակցել է ավելի քան 37 հազ. մարդ։ Ամենածեր վազորդը 101 տարեկան է՝ նա  42,2 կիլոմետրը հաղթահարել է 7 ժամ 49 րոպեում։

Մարաթոնի հաղթող են ճանաչվել քենիացիներ Ուիլսոն Քիփսանգը և Մերի Քիթանին. Քիփսանգը մարաթոնը հաղթահարել է 2 ժամ 4 րոպեում, Քիթանին՝ 2 ժամ 18 րոպեում։