«Մենք շոու չենք անում: Թուրքիան իսկապես շատ լավ հարաբերություններ ունի հարևան երկրների հետ՝ բացառությամբ երեք երկրներից: Մենք սերտ հարաբերություններ ունենք Հունաստանի, Ռուսաստանի, Վրաստանի, Ուկրաինայի, Ռումինիայի, Բուլղարիայի, Ադրբեջանի հետ: Նույնը չի կարելի ասել Թուրքիայի երեք հարևան պետությունների  պարագայում՝ Հայաստան, Իսրայել և Սիրիա: Դրանք այն երկրներն են, որոնց հետ դժվար է պայմանավորվել: Թուրքիայի համար դժվար է կայուն հարաբերություններ պահպանել այդ երկրների հետ»,–թուրքական լրատվամիջոցների փոխանցմամբ՝ այդ մասին հայտարարել է Թուրքիայի արտգործնախարար Ահմեդ Դավութօղլուն՝ նշելով, թե Թուրքիայի արտաքին քաղաքականությունը շարունակում հենվել «զրո խնդիր հարևանների հետ» սկզբունքի վրա։