ԱԺ ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը «Փաստարկ» մամուլի ակումբում հայտարարել է, որ միջազգային տնտեսական ճգնաժամը մոտեցել է իր անկումային պիկին: Սպասվում է, որ 4-րդ եռամսյակում տնտեսական վերելք կլինի։

-Հայկական իրականության մեջ մենք, կարծեք, մեկ քայլ ետ ենք գնում, և 4-րդ եռամսյակից հետո նաև մեզ մոտ տեղի կունենա այդ առողջացումը։ Կարծում եմ, որ Հայաստանը, ԱՊՀ երկրների նման, այս տարվա վերջում արդեն դուրս կգա ճգնաժամի փուլից, և կսկսվի տնտեսական զարգացման փուլը,- ասել է նա։

Գ. Մինասյանը նաև կարծում է, որ ՀՀ բյուջեի սեկվեստր չի լինի.«Երբ պետական եկամուտները 25 տոկոսից պակաս են լինում, դրանից հետո է գործընթաց սկսվում»։