Մայիսի 1-ին նախագահ Սերժ Սարգսյանի Մաշտոցի պուրակ կատարած «եկա, տեսա, սիրուն չէր» այցից հետո ավելի է ընդգծվում քաղաքապետի անզորությունը իրավական դաշտում հարցեր լուծելու և համայնքին հաշվետու լինելու հարցում:

Այս առիթով Մաշտոցի պուրակի համար պայքարող ակտիվիստները վաղը` մայիսի 4-ին, ժամը 13.30-14.30 կազմակերպում են երթ-ակցիա Մաշտոցի պուրակից դեպի քաղաքապետարան` Տարոն Մարգարյանին սիմվոլիկ նվեր մատուցելու համար: Նվերը անվտանգ է քաղաքապետի առողջության համար: Հումորից զուրկ մարդկանց չի խրախուսվում մասնակցել:

Երթուղին` Մաշտոցի պուրակ, Մաշտոցի պող., Հյուսիսային պող., Հանրապետության Հրապարակ, քաղաքապետարան:

 Մաշտոցի պուրակի համար պայքարող ինքնորոշված քաղաքացիներ