Հայաստանի քաղաքագետների միության վարչությունը և ՀՔՄ  կառույցում գործող «POLITLOGOS»իրավիճակային վերլուծությունների և քաղաքական կանխատեսումների ակումբը հրավիրում են ընտրությունների հանրային վերահսկողության խնդիրներին նվիրված լսումների տասներրորդ լիագումար նիստին:

Նիստի ընթացքում կներկայացվի հանրային վերահսկողության միջկուսակցական միասնական շտաբի ամփոփիչ հայտարարությունը՝ Հայաստանում մայիսի 6-ին կայացած ԱԺ ընտրությունների ընթացքի և պաշտոնական արդյունքների վերաբերյալ: Ելույթներով հանդես կգան և կպատասխանեն լրագրողների հարցերին Միասնական շտաբում ԲՀԿ-ն, ՀԱԿ-ը, ՀՅԴ-ն ներկայացնող Վարդան Օսկանյանը, Լևոն Զուրաբյանը, Արմեն Ռուստամյանը:

Նիստը, որը գումարվելու է մայիսի 11-ին 11:00 -ին, Հայաստանի քաղաքագետների միության կենտրոնական գրասենյակի դահլիճում՝ Մոսկովյան 33ա հասցեում, կվարի Հայաստանի քաղաքագետների միության նախագահ Հմայակ Հովհաննիսյանը:

 Հայաստանի քաղաքագետների միության մամլո քարտուղարություն