ՀՀ ԳԱԱ նախագահ Ռադիկ Մարտիրոսյանի ղեկավարությամբ ստեղծված հատուկ հանձնաժողովն ամփոփեց 2007թ. «Լավագույն գիտական աշխատանք»  մրցանակաբաշխության արդյունքները: Հաղթողները 1,5 միլիոն դրամի չափով պարգևատրություն ստացան:

Մրցանակաբաշխությունը կազմակերպված է Համաշխարհային հայկական կոնգրեսի, Ռուսաստանի հայերի միության կողմից՝ ՀՀ ԳԱԱ-ի հետ համատեղ: Հովանավորն է «Tashir group of companies»-ը: 

5 նոմինացիաներում ներկայացված լավագույն գիտական աշխատությունների  հաղթողներ են  ճանաչվել՝

-հայագիտություն՝ Ալբերտ Խարատյան՝ «Կոնստանդնապոլիսի հայ գաղթօջախը (XV-XII դարեր)» աշխատության համար

-հասարակական գիտություններ՝ Ավագ Հարությունյան՝ «Խաղողագործությունն ու գինեգործությունը Հայաստանում» աշխատության համար

-ինֆորմատիկայի և տեխնիկական գիտություններ՝ Յուրի Ավետիսյան՝ «Տերահերցային ճառագայթման գեներացումը համասեռ, պարբերական և ապապարբերական բևեռացված լիթիումի նիոբատի բյուրեղում» աշխատության համար

-ճշգրիտ գիտություններ՝ Համլետ Ավետիսյան և համահեղինակ Գառնիկ Մկրտչյան՝ «Ռենտգենյան Կոմպտոն-լազերի սպոնտան ճառագայթման ինքնաուժեղացման քվանտային ռեժիմը» աշխատության համար

- բնական գիտութուններ՝ Տիգրան Կուրտիկյան՝ «Ազոտի օքսիդների ռեակցիաները 5-կոորդինացված Fe^III (Պոր) նիտրիտո Fe (Պոր)(ONO) միջանկյալ միացության հետ սուբլիմացված տաղանդներում» աշխատության համար:

Մրցանակաբաշխությունն անցկացրել է ՀՀ ԳԱԱ «Գիտության զարգացման հիմնադրամը»:

ՀՀ ԳԱԱ Լրատվական ծառայություն